Webradio

ANDAVAMAMBA : Vehivavy nihetsika androbe, nampiteraka fitohanan’ny fiara

Tranga hafahafa izay nahavariana ireo mpivezivezy no niseho teny Andavamamba  eto an-drenivohitra,  omaly maraina tokony ho tamin’ny folo ora tany ho any raha toa ka vehivavy iray  nihetsika aretina no nibahana ny lalana nampitohana  ny fifamoivoizana.  14 novembre 2017

Raha ny zava-nisy hita teny an-toerana tamin’io fotoana io dia tokony ho telopolo taona teo ilay  vehivavy ary nitsirara sy nihotakotaka eraka ny arabe. 

Betsaka ireo vatan-dehilahy nibata sy nisintona azy saingy vaky vava ny rehetra noho ny fahatanjahany. Soa ihany fa nisy olona  niaraka taminy satria tena tao anatin’ny fotoana elaela mihitsy vao nisava ny aretina. 

Raha ny filazan’ilay ramatoa niaraka taminy dia manana aretina mitaiza  toy ny “androbe” io tovovavy io ka  rehefa mafana ny andro na misy zavatra tsy zakany  dia mihetsika avy hatrany izany. Tsy hitahita akory dia nitohana izay tsy izy ny fiara manodidina teny amin’ny Jirama Andavamamba.


Tatianà R.

modération a priori

Ce forum est modéré a priori : votre contribution n'apparaîtra qu'après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés