Webradio

SAMBAVA : Jiolahy miisa fito niharan’ny fitsaram- bahoaka, efatra maty tsy tra-drano

Tsy mitsahatra mirongatra hatrany ny trangana tsy fandriam-pahalemana  ao amin’ny Distrikan’i Sambava ankehitriny, ka miezaka mitroatra ireo mponina hanoherana izany.  7 décembre 2017

Misy ireo milaza fa  noho ny fivezivezen’ireo vahiny mividy lavanila no mahatonga ny tsy filaminana ao an-toerana. Vokany, niafara tamin’ny fanatanterahana fitsaram-bahoaka izany ny alin’ny alatsinainy lasa teo, ka jiolahy miisa efatra no maty  namoy ny ainy avy hatrany.  Araka ny loharanom-baovao voaray avy any an-toerana dia  tao amin’ny tanànan’i Mahasoa Bemarivo ambony,  Kaominina Amboangimbe no niseho ity fitsaram-bahoaka ity raha toa ka  jiolahy miisa fito izy ireo no saika handrava lavanila tao amin’ny tokantrano iray. 

Noho ny antso vonjy  nataon’ireo voaroba tamin’io fotoana io  dia nirohotra nivoaka ireo mponina  niara-nisalahy ka nifandona tamin’ireo olon-dratsy ireo. Nahery vaika  ny fifanjevoana  tamin’izany ka  maty noho ny ratra mafy ireo jiolahy efatra ireo. Ny telo ambiny kosa mbola tafaporitsaka nitsoaka ihany nanararaotra ny andro maizina. Nandritry ny fanadihadiana natao momba ity raharaha ity  no nahafantarana fa olona avy any atsimon’i Madagasikara ireo mpandroba ireo. Efa eo am-pelatanan’ny mpitandro filaminana  ny  fanadihadiana ny raharaha hatreto .

Tatianà R.

modération a priori

Ce forum est modéré a priori : votre contribution n'apparaîtra qu'après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés