Webradio

MORONDAVA : Misokatra ny famotorana ilay mpanamory sambo tratra nitondra sokatra niisa 500

Tsy vao izao no ahitana tranganà fahatratrarana fanondranana sokatra antsokosoko ity teto amintsika saingy mbola  misy ihany ireo sahy minia manao  izany. 11 janvier 2018

Araka ny loharanom-baovao voaray avy ao an-tampon-tanànan’i Morondava omaly àry dia ny talata 9 janoary lasa teo indray  no tratra tao an-toerana ilay sambo fantatra fa nitondra sokatra marobe.  Voalaza fa avy any Maintirano izy io no nandalo teo Morondava ka hiverina hihazo an’i Mahajanga.

Tsy nahomby ny teti-dratsy saika hanao fanondranana ka izao sarona izao. Rehefa nisaina ireo biby ireo dia nahatratra teo amin’ny 500 teo ka ny 292 tamin’ireo sisa no velona. Ny ambiny rehetra kosa dia tapitra maty avokoa noho ny famatorana azy ireo tao anaty gony sy nifanaingitaingina. Avy hatrany dia nogiazan’ny Polisy ireto biby arovana ka voasambotra ihany koa ny mpanamory ilay sambo.

Efa mandeha ankehitriny ny famotorana ny raharaha ka tadiavina ireo ati-doha nikotrika sy ireo tambajotra ambadik’ity fanondranana harem-pirenena ity. Mbola tsy misy aloha hatreto ireo olona ahiahiana fa andrasana ny fivoaran’ny fanadihadiana hatreto.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés