Webradio

MISS BOENY 2018 : Tontosa ny 23 septambra teo ny fifaninanana santatra sy ny antsasa-dalana

Nitohy avy hatrany tamin’ny dingan’ny manasa-dalana ny fifaninanana Miss Boeny 2018 taorian’ny fifanintsanana savaranonando.  25 septembre 2018

Tao amin’ny Resto bar Sunset etsy aminy Chez Karon no nandray ireto zatovovavy nahafeno ny fepetra tao anatin’ny masontsivana napetrak’ ireo mpikarakara. Isan’ireo fepetra napetraka nanivanana azy ireo ny halava izay 1,65 no ho miakatra  sy ny fahalalana ankapobeny mikasika ny Faritra Boeny manokana, niampy ny salan-taona 18 ka hatramin’ny 25 taona notadiavina ary tsy mbola niteraka.  

Ny Ofisim-paritry ny fizahantany, izay tarihin-dRanjatonantenaina Toky Armel sy ny sampan-draharaham-paritry ny fizahantany, tarihin-dRamamonjisoa Angelo, tale aty an-toerana ; teo koa ny sampan-draharam-paritra ny kolontsaina sy ny vakoka ary ny haivoary no nanome voninahitra ny hetsika. Ny avy ao amin’ny sampam-paritry ny serasera sy ny fifandraisana amin’ny andrim-panjakana tarihin’i Tsiavanga Hanta, fa indrindra ny création Léa Fashion, izay nikajy ny fanaingoana ny bika aman’endrik’ireo zatovovavy mpandray anjara no niara-nitoto io hetsika " Miss Boeny 2018” io. 

Izay lany ho voalohany amin’ny famaranana, izay hatao ny 28 septambra ho avy io, ao amin’ny Baobab tree, no hisolo tena ny Faritr’i Boeny amin’ny fifaninanana "Miss Mada 2019" atao any Antananarivo. Mialoha ny famaranana dia misy ny fanomanana azy ireo sy  fanofanana mikasika ny filatroana ho an’ireo tafita tamin’ny dingan’ny manasa-dalana tamin’iny 23 septambra teo iny. Amin’ny 25 septambra izao no hiditra ny villa Miss Boeny, ao aminy Blue bay eny Amborovy ireo mpifaninana amin’ity Miss Boeny 2018 ity, no sady tafiditra ihany koa amin’ny hetsika fialan-tsasatra lehibe izay maresaka tokoa aty aminy Faritra Boeny.

INVMGA.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés