Webradio

ANDOHATAPENAKA : Sarona ny mpisakaiza nisoloky vary 70kg teny eny  amin’ny  “gare routière” 

Mirongatra  be  izay  tsy  izy  ary  miseho  amin’ny  endriny  maro    ny  trangana fisolokiana  eto  an-drenivohitra  ankehitriny. 18 octobre 2019

Araka  ny  loharanom-baovao  voaray  avy  amin’ny  Polisim-pirenena  omaly,  dia fantatra  fa  mpisakaiza lehilahy  manodidina ny  45 taona sy  vehivavy 35 taona  no   malaza ratsy  amin’ny  fisolokiana  eny  amin’ny  “gare routière” Andohatapenaka  ary  efa betsaka ny  lasibatra tamin’izany  raha ny  fitarainana voaray ihany. Ny  alarobia lasa teo  tokony  ho  tamin’ny  5 ora sy  sasany maraina no  tra-tehaka ireto  olon-dratsy  ireto   raha nokarohina efa ela izay  fiaraha-miasan’ny  Polisy  sy  ny mpiambina teny  amin’ny  manodidina ny  tobim-piantsonana eny  Andohatapenaka hatrany. 

Raha tsiahivina dia ny  28 septambra 2019 lasa teo  no anisany  nanatanterahan’izy  ireo  ny  asa  ratsiny  tamin’ny   halatra vary  amin’ny  gony  milanja   70 kg.  Vary  izay  vatsina mpianatra  eny  Ankatso nalefan’ny  ray aman-dreniny  avy  any  Miarinarivo nalefa  tamina taksiborosy  no   lasan’ireto  mpivady  rehefa napetraka tao amin’ny  biraon’ny  kaoperativa nitondra azy. Nilaza mantsy  ireto  farany  fa azy ireo ny  vary  koa dia   nanome tsy  an-kisalasala ihany  koa ny  nametrahana ny  entana  rehefa voalangolango  tamin’ny  fahaizan’izy mivady  niresaka. Tamina  horonan-tsary  maro  voatahiry  hita tamin’ny “caméras de surveillance” no   vao mainka nahamora  ny  fisamborana ireto  mpisakaiza nisoloky  ireto  ary  dia  tsy  afa-nandositra intsony  sy niaiky  ny heloka  vitany izy  ireo.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés