Webradio

FESTIVAL TANY MAROANTSETRA : Nanome voninahitra ny Zah Mbo Gaogno Misaoma ny Depiote Les Robert

Na mbola ao anatin’ny tsy fahasalamana tanteraka aza i Sonia vadiny izay nalefa any Antananarivo manaraka fitsaboana, dia tsy maintsy nihazo an’i Maroantsetra namonjy ilay Festival Zah Mbo Gaogno Misaoma ny mpanakanto Les Robert sady solombavambahoaka voafidy tao Mananara-Avaratra. 21 octobre 2019

Raha tsiahivina, ny tolakandron’ny alarobia 16 oktobra lasa teo no tratran’ny lozam-pifamoivoizana tamin’y moto tao Analamalotra lalam-pirenena fahadimy mihazo an’Ivoloina i Les Robert sy ny vadiny. 

Torana tsy nahatsiaro tena i Sonia. Naratra teo amin’ny lohany sy tanana kosa i Les Robert saingy tsy misy ahiana intsony ny fahasalamany na dia hita ho somary mbola reraka ihany aza. Araka ny vaovao voarainay ny sabotsy 19 oktobra teo, dia mbola tsy nahatsiaro tena i Sonia vadiny. Noho ny fifanarahana efa vita tany aloha tamin’ny mpikarakara ilay Festival Zah Mbo Gaogno Misaoma Maroantsetra sy ho fanajana ireo mpankafy azy, ary koa ho fahazoana ny vola enti-manampy amin’ny fitsaboana ny vadiny, dia tsy maintsy nihazo an’i Maroantsetra ny sabotsy 19 oktobra lasa teo na dia mbola ao anatin’ny tsy fahasalamana feno aza ity mpanakanto ity.

Nisy ny fitsenana natao azy teny amin’ny seranam-piaramanidina Maroantsetra.  Ny alahady 20 oktobra ny fiakarana an-tsehatra. Telo ireo mpanakanto nanafana io Festival Zah Mbo Gaogno Misaoma andiany fahatelo io, dia i Les Robert, Lien Bouessa ary Smaven. Ny alahady 20 oktobra, nisy ny hetsika voin-kava mahatratra nokararakain’ny  tanora mpanakanto ao Toamasina,  teo anoloan’ny lapan’ny tanàna Toamasina, ho fanampiana ara-bola amin’ny fitsaboana an’i Sonia.

TH

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés