Webradio

TOVOLAHY MATY VOATSATOKA ANTSY : Olona maromaro no atao famotorana eny amin’ny polisy

Tsiahivina fa tovolahy iray vao roapolo taona monja no nisy nandroba ny findainy ny alin’ny alakamisy 28 novambra lasa teo sahabo ho tokony taminy fito ora sy sasany hariva.  3 décembre 2019

Raha iny ity zavotolahy ity handeha hanatitra ny namany iray any aminy fokontany Mahavoky, izay avy nitsangantsangana tany amin’izy ireo ny tolakandron’ny androtr’io ihany io namany io. Dia indreo nisy telo lahy araka ny voalazan’ ny nahita ny tranga no nandroba avy hatrany ny findain’ilay niharam-boina, saingy namaly moa ity farany nanenjika ireto mpangalatra. Avy hatrany dia notsenain’ireto tsy mataho-tody tamin’ny antsy ny nanandrify ny fon’ilay zatovolahy, ka dia nitsirara izy, ary dia tafatsoaka ireto olon-dratsy. Ilay finday kosa dia navelan’ireto lazaina fa nandroba ireto teo saingy efa simba noho ny fifandroritahana. Avy hatrany dia noentin’ireo nanatri-maso teny aminy hopitaly ilay voatsatok’antsy, saingy minitra vitsy taorian’izay dia tsy tana intsony ny ainy ka maty ilay zavotolahy vao roapolo taona monja monina etsy aminy fokontany Manga. 

Taorian’ny fandevenana dia sesilany ireo olona voantso hakana am-bavany nanoloana iny tranga iny etsy aminy polisy Mangarivotra misahana ny fanadihadiana. Isan’izany ilay zatovovavy sakaizan’ilay zatovolahy nindaosin’ny fahafatesana sy ireo namany mpifanerasera ary ny mpiray vodirindrina tamin’ity raharaha ity. Betsaka ny resaka nifamahofaho teto Mahajanga tamin’ity tranga mahatsiravina nandatsahan-drà ary niafara tamin’ny fahafatesana ity, saingy ny valin’ny famotorana ataon’ny polisy ihany no hamaly izany.

Marcos.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés