Webradio

FIHOTSAHAN’NY TANY TENY AVARADOHA : Naato tamin’ny asany ny Lehiben’ny Pompiers

Ny  alahady  hariva 19 janoary lasa teo,  nisehoana fihotsahan’ny tany nanodidina bararata na «  bambou  » izay   namotika fananan’olona teny Avaradoha.  21 janvier 2020

Trano maromaro  no  potika sy rava tamin’izany  ka niezaka  niantso ny  teo  anivon’ny  mpamonjy  voina  «  Pompiers  » Tsaralalàna ny  mponina. Toa tsy  nisy  taitra sy  nandray andraikitra  anefa   ireto  mpamonjy  voina  fa  nijery  fotsiny no  sady  mbola nampanao taratasy  ireo  tra-boina  aloha. Etsy  andanin’izay, tsy  mbola azo antso  ihany  koa  ny  «  Chef de corps  »,  hany  ka  ny mponina ihany  no  niara-nisalahy  niady  tamin’ny  voina nahazo  azy  ireo. Raha  ny  tokony ho izy  dia tokony ho vonona  lalandava ny mpamonjy voina  saingy  matetika toa tara foana izy ireo eto  amintsika na koa tsy  mipoitra  mihitsy  aza. Vantany  vao  naheno ny zava-nitranga ny  Ben’ny tanàna  vaovao Naina  Andriantsitohaina sy ireo ekipany  dia nandray  andraikitra  ary  koa nidina  ifotony teny  amin’ny  tobin’ny «  Pompiers  » Tsaralàlana. 

Nanome baiko  ireto  mpamonjy  voina  mba hanatanteraka ny  asany. Nanaraka akaiky izany  ny  Ben’ny tanàna  ary  koa nitondra  fanampiana ho an’ireo  tra-boina teny  an-toerana.  Marihina moa fa tsy  nisy  olona naratra  na aina nafoy tamin’ity  loza ity. Manoloana  ny  zava-nisy  dia  namoaka fanambaràna ny  Ben’ny  tanàna  ka  noraisina  ny  fepetra hentitra  ka natsahatra tamin’ny asany ny «  Chef de corps  » teo  anivon’ny  Pompiers Tsaralalàna. Midika ho tsy  fandraisan’andraikitra goavana ny  tsy  fandraisany ny  antson’ny  fokonolona  nila vonjy taminy tamin’io fotoana io, ka tsy  maintsy  niafara tamin’ny fanalana azy teo  amin’ny  toerany.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés