Webradio

KOLONTSAINA MALAGASY : Nosokafan’ ny Minisitry ny serasera ny « Mihamy Mada Fashion » andiany voalohany

Tontosa  omaly alakamisy  maraina  13 febroary  2020  tao amin’ny ny Lapan’ny Kolontsaina sy Fanatanjahan-tena ny lanonam-panokafana ny “ Mihamy Mada Fashion” andiany voalohany, izay notarihan’ny Minisitry ny Serasera sy Kolontsaina Lalatiana Andriatongarivo  Rakotondrazafy.  14 février 2020

Hetsika iray  entina  hanomezana lanja  ny  kolontsaina malagasy, ireo  manan-talenta miantsehatra  amin’ny  asa famoronana, famelomana ny  tontolon’ny  haihaingo ary  koa  fanomezana  hasina  ny  vita  Malagasy. Araka ny  fanazavana  nentin-dRamatoa Minisitra  hatrany  dia natomboka ny hetsika  mba  hanomezana lalana  misokatra  ho an’ireo manan-talenta eto  amintsika,  ka mba hahafahana mampiranty  ireo  asa tanana vita malagasy, ny fanokafana ny tsenan’ny haihaingo malagasy amin’ny tsena iraisam-pirenena, fitadiavana ireo mpahay ny kanton’ny haihaingo manerana an’i Madagasikara.

Izany no tena  antony  goavana  nahatonga ny Minisiteran’ny  serasera  sy  ny  kolontsaina  nanatanteraka  ity hetsika ity. Nandritra ny  fanokafana ny lanonana  omaly  dia  nisy  ny  fampirantiana  ireo  lamaody  vita gasy, filatroana  ary  koa  zava-kanto  mampiavaka ny  hira malagasy. Fy Rasolofoniaina, Monsieur Sayda, Melky, Bakidy Gegette, Nael, Rapo Atlas, Dassi & Friends, Mirado, Johanne, Fidy Dibl , Jaojoby, ireo no mpihira handravaka ny telo andron’ny haihaingo sy ny  asa famoronana  izay karakarain’ny Minisiteran’ny Serasera sy ny Kolontsaina  amin’ity  andiany  voalohany ity. Miezaka hatrany  moa ny eo  anivon’ny  Minisitera ity  hanandratra avo  ny  kolontsaina tena  mampiavaka an’i Madagasikara.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés