Webradio

ANDAPA : Lehilahy 01 nanolana zazavavikely miisa 02, misandoka ho tsy salama saina

Mbola  maro  eto  amintsika  ireo  karazana  herisetra  mahazo  ny  zaza amam-behivavy    mampitondra  takaitra  kanefa dia toa  vitavita ho azy  noho ny  fanjakazakan’ny  kolikoly  sy  ny  tsindry  hazolena  mahazo   ny madinika.  20 février 2020

Toy  ny  tranga  niseho  tao  amin’ny  Fokontanin’ Antangena ao  Andapa  ny  faha  23 janoary  2020 dia    zazavavikely  06 taona  antsoina  hoe  Nomena  sy  Floricia  08 taona  no  voaolana tovolahy  iray. Potika tanteraka ireo zaza ireo  rehefa   nozahana  tany  amin’ny  toeram-pitsaboana ny  fahasalamany. 

Raha ny  nambaran’ny  fianakavian’ireto  zaza niharan’ny  herisetra ireto  moa dia  nitaky  vola sivy  alina Ariary   isan’ankizy  ny  mpitsabo   izay  vao manome ny  “ taratasy  fanamarinam-pahasalamana izy. Noho  ny  tsy  fisian’ny  vola teo amin’ny ray aman-drenin’ireo zaza anefa dia  tsy mba nanampy koa ny  fianakaviana, hany  ka tsy  nomen’ny mpitsabo ilay taratasy  fanamarinam-pahasalamana. Maneho  fitarainana araka izany  ny fianakaviana  manoloana ny zava-misy  ary  mitaraina  amin’ny  mpitondra  fanjakana  mba  hijery  akaiky  ny raharaha  satria dia  mahatsiaro iharan’ny  tsindry  izy  ireo ny  amin’ny  tokony  handoavana io vola io izay  atao  an-tery  mihitsy.  

Voamarika ihany  koa anefa fa  nanambara ny  fianakavian’ilay  lehilahy  nahavanon-doza fa  lehilahy tsy  salama saina  io nanao  herisetra  io. Notsipahin’ ny fianakaviana ankilany  niharan’ny  fanolanana  àry fa diso tanteraka izany   fa zazalahy salama saina tsara ary  mbola mianatra ity  nahavanon-doza, fandiovan-tena  fotsiny   entin’ny  fianakaviany   hanafenana ny ratsy  vitan’ity lehilahy ity izany. Manahy  araka izany  ny    ray aman-drenin’ireto  zaza voaolana  sao  mpiray  tsikombakomba  ireo  mpitsabo sy  ny  fianakavian’ilay  lehilahy nanolana  mba hahavita ho azy  moramora ny raharaha. Eo  ny  kolikoly  ampanjakaina  amin’ity  tranga ity, hany ka ireo  mpanam-bola ihany  no mety  handresy  na dia efa hita ho tsy mety izao  aza ny  nataony. Manao  antso  avo amin’ny   mpitondra fanjakana moa ny fianakaviana  niharan’ny  herisetra  mba hanokatra   izao  fanadihadiana izao mba hipotran’ny  tena marina.

Zazavavikely  nodoran’ny nenitoany tamin’ny  sigara

 Herisetra  nitranga tao Andapa ihany  koa ity tranga ity  izay  anisany  tranga tena naha ontsa ny mponina tao  an-toerana.  Nipetraka tao  amin’ny  nenitoany  ity  zazavavikely  antsoina hoe “ Tence” ary  dia  fantatra  fa iharan’ny fampijaliana matetika ilay  zaza. Raha ny zava-nisy  farany  nahazo  azy  izao dia  voalaza fa  nodoran’ity  nenitoany  tamin’ny  sigara ny  vatany  ka naratra  mafy  sy  nampitondra takaitra ho azy. Nalefa nody  tany  amin’ny  ray aman-dreniny  niteraka azy moa ilay  zaza ary  efa   mipetraka any  amin’ny Babaomby Antsiranana izy  amin’izao  fotoana izao. 

Marihana anefa  fa  dia toa vita mora ho azy  ny  trangana herisetra toy itony  ao  an-tanàna noho ny fanjakan’ny  kolikoly  izay  efa voalaza etsy  ambony. Manjaka  dia  manjaka ny  herisetra mahazo  ny  zaza amam-behivavy ka ny  angatahin’ny  vahoaka  ao an-toerana   dia ny  mba hijerena akaiky  ny raharaha momba izany  ka hanokafana ny  fanadihadiana lalina. Mangetaheta ny fitondram-panjakana izy ireo  mba hiditra an-tsehatra amin’ireo trangana herisetra mahazo  vahana.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés