FITAKA : Tovovavy iray avy any Antsiranana monina eto Toamasina niharan’ny fanararaotana ara-nofo

Maika ny ho tafavoaka. Mitohy hatrany ny setrasetra sy fanararaotana ataon’ny teratany vahiny sasantsasany monina eto Madagasikara. 30 mai 2012

Tovovavy iray avy any Antsiranana monina eto Toamasina no niharan’ny hetraketraka ara-nofo nataona vahiny iray iray nandritra ny herintaona.

Handeha hiasa no anton-dia nahatonga ity tovovavy ity sy ny zanany vavy teto Toamasina. Niasa tamin’ny Hotel lehibe iray teto Toamasina ity tovovavy ity, ka tao no nifankahitany tamin’ilay vahiny antsoina hoe Galy Gilbert. Nasain’ity farany nametra-pialana tamin’ny asany ilay tovovavy fa hiantohany, hono, ny fiainany rehetra.

Nanomboka teo no nanamparan’ilay teratany vahiny ny filan-dratsiny tamin’ilay tovovavy nandritra ny herintaona ngarangidina. Tsy akory avy eo vola na ny Ariary aza azony tamin’ity vahiny. « Hirifiry sy jaly mafy no nahazo anay mianaka tao anatin’ny iray taona izay ary nahatsiaro ho voafitaka tanteraka », hoy ny fitantarany tamin’ny mpanao gazety teto Toamasina. Efa nametraka fitoriana any amin’ny manampahefana mahakasika izao raharaha izao ity tovovavy ity.

Kamy