FANDRIAMPAHALEMANA - TOAMASINA : Karohin’ny mpitandro filaminana mafy ireo jiolahy « bande des 4 »

Manao ezaka goavana ireo mpitandro filaminana eto Toamasina mba hahatratrarana ilay andian-jiolahy mitondra ny anarana hoe « Bande des 4 ». 4 juillet 2012

Isan’ny sokajian’ny mpitandro filaminana eto an-toerana ho tompon’antoka tamin’ireo fanafihana nitranga tamin’ireny volana jiona ireny ireo jiolahy ireo. Manao antso avo amin’ny olon-tsotra, araka izany, ireo mpitandro filaminana mba tsy hisalasala hanome fanampim-baovao feno mahakasika ireo andian-jiolahy ireo.

Fanamby kosa no ataon’izy ireo fa « tsy maintsy ho sarona ireo bande des 4 ireo ary hanao ezaka rehetra ahafahana manatratra ny tanjona izahay mpitandro fikaminana ».

Kamy