POLITIKA

RAHARAHAM-PIRENENA : Mampagnahy ny maro ny fihaonan-dRajoelina sy Ravalomanana

Leom-boanana ny olona. Miteraka resabe ao Antsiranana ny momba ny fihaonana eo amin’ny filoha teo aloha Ravalomanana Marc sy ny Filohan’ny Tetezamita Andry Rajoelina. 5 juillet 2012

Matoa ingahy Ravalomanana manaiky izegny fihaonagna izegny dia ahiana ny tetika ratsy kotrehiny ao ambadika. Rango io koragna io nahazo vahagna, tsy mitsahatra mivolagna ny filatsahan-dRavalomanana amin’ny fifidianagna magnaraka ingahy Mamy Rakotoarivelo ary mampiseho koa ny fankasitrahany ny filatsahan’i Andry Rajoelina mba handesiny mandrebireby saignin’olo.

Ny tena tanjon’ny ankolafy Ravalomanana amin’io fihaonana io dia ny hahafahan-dRavalomanana mipody eto an-tanindrazagna ary ny hahazoany famotsôran-keloko mba hahafahany mandray anjara amin’ny fifidianagna filoham-pirenena magnaraka. Izany no hevitra mpandraharaha izay sendra tafaresaka taminay momba io fihaonana io.

« Misy fetrany anefa ny fandeferagna. Raha mitady fiovagna marigny antsika, tsy tôkotro hisy olo agnabon’ny lalàgna izegny. Raha ny fisehoan-javatra misy ankehitriny anefa dia tsy misy afa tsy ingahy Ravalomanana no afaka mampandroso ny firenena eo imason’ny Sadc. Tsy mahagaga akory izany satria ry zareo Amerikanina ihany no ambadik’izy ireo », hoy ihany ity mpandraharaha tsy mety nitonona anarana namarana ny teniny.

A. Lepêcheur