DITRA SA REVY ? : Miparitaka indray ny filma mamoafady ao Barikadimy Toamasina

Andiany faharoa indray ity sary mamoafady lalaovin’ireo mpianatra ao amin’ny oniversiten’i Toamasina, raha tamin’ny voalohandohan-taona ity no nisian’ny sary voalohany. 13 août 2012

Efa sahisahy tokoa ireto mpianatra ireto, fa dia miseho tarehy tsy amin-kenatra manao ity fihetsika mamoafady ity.

Baraingo mipetraka amin’ny maro raha vao mahita ity sary mamoafady ity dia ny hoe : fanahiniana tokoa ve ny zavatra natao sa nalaina am-pitaka, sa volabe ihany koa, sa ditra sy revy tsotra izao ?

Henatra tsy tondra lanjaina sy nenina no misy amin’ireto tanora hita ao anatin’ny sary ankehitriny, raha nambaran’ireo mpianatra, indrindra ilay vehivavy izay tena mibaribary tokoa ny endriny. Na inona no resahina, na volabe tahaka inona no mety ho azo, dia milaza ny olona rehetra fa tsy tafiditra ao anatin’ny soatoavina maha Malagasy ny fihetsika tahaka izao.

Eo anatrehan’izany tarehin-javatra izany, dia tokony ho mailo mandrakariva ny tanora, indrindra ny fakana sary etsy sy eroa na sary mihetsika io na sary tsotra, satria manova zavatra tokoa mantsy ny tanjaky ny teknolojia iainana ankehitriny, ka ho zavatra hafa indray no hita.

Ravo